| 自小已能夠控制情緒, 做到喜怒不形於色, 最近EQ真的急跌, 昨天UE oral考試, 面對一位貌似馬蹄露的女子, 英文不太勁, 同我差不多口音, 係咁搶野講, 個discussion講voluntary service, 最尾約三分鐘佢唔接上文下理solo 左成分幾鐘四川大地震感受, 我越聽越唔對路, 背啲九唔搭八既野, 啲火湧出黎, 妳死唔好搞到我, 霸晒啲時間, 我呢半年咁自修咪白過?!! 一陣出去x你老母. 一兩秒諗左咁多野… 佢講完到我講多30秒左右就 bibibibibi 喇 出到去我始終過唔到自己, 句x你老母真係講唔出口, 我唔想同佢地講野, 我心情實在太差 另一個渣渣地既女仔, 同馬蹄露親切地傾計, 我奇怪搭嘴, 原來她們是相識的, 我心裡冷笑了出來, 朋友?馬蹄露每講一個idea,妳插一個, 妳真夠朋友! 妳問我讀咩學校, 我答我入唔到u自修, 佢嚇呆左: 下, 啲英文lar lar 聲都入唔到u... 我唔知點應佢佢, 因為我心果句係 : 妳英文咁差係應該入唔到u, 安息吧 我之後靜心諗返, 其實我可以做得好啲, 我可以返客為主, 係自己膠 我真係好憎人臭脾氣, 從小受了不少氣, 不想傷害別人 但依家控制唔到情勢爆發 長毛講過句說話, 我覺得好有道理 “千萬不要憤怒, 人因為改變不了情況, 才會感憤怒, 人在嬲的時候特別脆弱, 甚麼辦法也想不到” 學好三年, 學壞三日, 希望從頭學習控制到, 唔想再見到自己陰暗面, 變到咁真係好恐怖
|
